Fýtbol: ızraıldik qorǵaýshy Ofrı Arad jyl sońyna deıin «Qaırat» klýbynda oınaıdy

ALMATY. QazAqparat - Fýtboldan Izraıl qurama komandasynyń qorǵaýshysy Ofrı Arad jyl sońyna deıin «Qaırat» fýtbol klýbynda oınaıtyn boldy, dep habarlaıdy QazAqparat tilshisi.

«Qaırat» fýtbol klýbynyń baspasóz qyzmetiniń habarlaýynsha, Izraıl quramasynyń qorǵaýshysy Ofrı Arad bıyl jyl sońyna deıin jalǵa alý quqyǵymen «Qaırat» fýtbol klýbynda oınaıtyn boldy.

«Ofrı Arad – jasy 24-te, ortalyq qorǵaýshy, Izraıldiń eki dúrkin chempıony, el kýbogy jáne Sýperekýbogynyń ıegeri. Eýrododalardyń tájirıbesine ıe. 2021-2022 jyldardaǵy maýsymda Arad nıderlandtyq «Feıenford», germanııalyq «Ýnıon», chehııalyq «Slavııaǵa» qarsy oınap, óz komandasyn ÝEFA konferentsııalar lıgasynyń toptyq kezeńine shyǵarýǵa kómektesti», - delinedi «Qaırat» FK habarlamasynda.

Aıta keteıik, 2020 jyly Ofrı Arad Izraıl quramasynda debıýt jasap, búgingi kúnge deıin qurama sapynda 8 match ótkizgen.

Foto: fckairat.com