Fýtbol: Grıgorıı Babaıan «Tobyldan» Máskeýdiń TsSKA klýbyna aýysty

NUR-SULTAN. QazAqparat – Belgili bapker Grıgorıı Babaıan «Tobyldan» Máskeýdiń TsSKA klýbyna aýysty, dep habarlaıdy QazAqparat tilshisi.

TsSKA klýbynyń baspasóz qyzmeti málim etkendeı, G.Babaıan komandanyń bapkerler quramyna resmı túrde qosyldy.

«Budan buryn Grıgorıı Konstantınovıch «Tobyl» fýtbol klýbyna basshylyq etip kelgen bolatyn. Endi bas bapkerdiń mindetin atqarýshy bolyp taǵaıyndalǵan Alekseı Berezýtskııge kómektesetin bolady», dep jazdy klýbtyń baspasóz qyzmeti.

TsSKA klýbynda Qazaqstan ulttyq quramasynyń jartylaı qorǵaýshysy Baktıer Zaınýtdınovtiń óner kórsetetini belgili.

G.Babaıan osyǵan deıin qostanaılyq «Tobyl» klýbynyń bas bapkeri mindetin atqaryp kelgen edi.

Qazirgi kezde Qazaqstan chempıonatynda «Astana» 35 upaımen kósh bastasa, «Tobyldyń» odan úsh-aq upaıy kem.

Eske sala keteıik, budan buryn Alekseı Shpılevskııdiń «Qaırattan» ketkenin jazǵan bolatynbyz.

Foto: fctobol.kz