Fýtbol federatsııasy Qazaqstan qurama komandalarynyń jańa formasyn tanystyrdy

ASTANA.QazAqparat – Qazaqstan fýtbol federatsııasy men «Entrea Sport» kompanııasy ulttyq quramanyń jańa oıyn formasyn tanystyrdy. Jańa formalar ÝEFA baǵdarlamasy aıasynda shyǵaryldy, dep habarlaıdy QazAqparat Fýtbol federatsııasyna silteme jasap.

Aıta keteıik, ótken jyly QFF pen ÝEFA ulttyq quramalar úshin jańa fýtbol jabdyqtaryn jasaý jáne qamtamasyz etý týraly kelisimge qol qoıǵan bolatyn. Kelisim ulttyq biregeılikti bildiretin jabdyqtyń jeke dızaınyn jasaý múmkindigin qarastyrady.

Barlyq jabdyq 100 OEKO-TEX sertıfıkatynyń standarttaryna saı, ol densaýlyqqa zııandy zattarǵa óte qatań shekteýler qoıady.

Oıyn formasy úsh jıyntyqta usynylǵan – sary, kók jáne qara. Kıim dızaınyn Errea Sport mamandarymen birlesip Qazaqstandaǵy eń iri sporttyq dızaın kompanııalarynyń biri - Creeon kompanııasy ázirledi.

Aıta keterligi, ázirleý barysynda memlekettik rámizder beınesi men qazaq halqynyń ózindik erekshelikterine daýys bergen jankúıerlerdiń pikiri eskerildi.

Aıta keteıik, Qazaqstan quramasy jańa fýtbol jabdyqtaryndaǵy alǵashqy kezdesýlerin 2023 jyldyń maýsym aıynda San-Marıno men Soltústik Irlandııa quramalaryna qarsy ótkizedi.