Fýtbol: «Elimaı» men «Turan» Premer-lıgaǵa shyǵýǵa jaqyndap keledi

ASTANA. QazAqparat - Fýtboldan birinshi lıga komandalary arasynda el chempıonatynda Semeıdiń «Elimaıy» men Túrkistannyń «Turany» Premer-lıgaǵa shyǵýǵa jaqyndap keledi, dep habarlaıdy QazAqparat tilshisi.

Túrkistandyq «Turan» búgin, 15 qyrkúıekte syrt alańda Shymkenttiń «Qyran» komandasymen kezdesti.

Kezdesý barysynda túrkistandyq klýb qarsylasynan 6:2 esebimen basym tústi. Nátıjesinde týrnır kestesinde jaǵdaıyn jaqsartyp, ekinshi orynda tur. Osylaısha aldaǵy jyly Premer-lıgada oınaýǵa jaqyndaı tústi.

Al Semeıdiń «Elimaıy» bıyl 21 kezdesýdiń 19-da jeńiske jetip, 2-de ǵana teń nátıjege qanaǵat bildirdi. Sol arqyly týrnır kestesinde birinshi orynda keledi. Premer-lıgaǵa oralýǵa aldaǵy týrda qol jetkizýi múmkin.

Atalǵan týrda «Elimaı» syrt alańda «Ekibastuzdy» 4:0 esebimen oısyrata jeńdi.

Sondaı-aq, bul týrda «Qaırat-jastar» «Astana -2» komandasyn 5:1, «Jeńis» «Túrkistandy» 2:1, «Ońtústik akademııasy» «Tarazdy» 4:0, esebimen teń tússe, «Arys» pen «Jas Qyran», «Han táńiri» men «Aqtóbe-2» 1:1 esebine qanaǵat bildirdi.

Eske salsaq, budan buryn almatylyq «Qaırat» bıyl fýtzaldan sýperkýbok ıegeri atandy.