Fýtbol: «Atyraý» men «Aqtóbe» Qazaqstan kýbogy fınalyna shyqty

<p>ASTANA. KAZINFORM - Búgin fýtboldan Qazaqstan kýbogy fınalyna shyqqan eki komanda anyqtaldy. Mundaı múmkindikke &laquo;Atyraý&raquo; men &laquo;Aqtóbe&raquo; klýbtary ıe boldy.</p>

Alǵashqy jartylaı fınalda «Atyraý» men «Tobyl» kezdesti.

Birinshi oıynda qostanaılyq klýb óz alańynda 2:0 esebimen basym túsken edi.

Búgingi oıyn barysynda atyraýlyq komandanyń basymdyǵy baıqaldy. Olardyń qatarynan Nıkolaı Sıgnevıch 18, 33-mınýtta qaqpany dál kózdese, ıAkob Novak 41, Rınat Jumatov 98-mınýtta mergendik tanytty.

Osylaısha «Atyraý» qarsylasynan 4:0 esebimen basym túsip, fınalǵa joldama aldy.

Jartylaı fınaldaǵy taǵy bir kezdesýde «Elimaı» óz alańynda «Aqtóbeni» 2:1 esebimen tize búktirdi.

Kezdesýde semeılik klýbtan Roman Mýrtazaev 51, Dmıtrıı Shomko 59-mınýtta gol soqsa, Maksım Samorodov 36-mınýtta kózdegen nysanadan múlt ketken joq.

Alǵashqy oıynda «Aqtóbe» 2:0 esebimen jeńgen edi.

Eki kezdesýdiń nátıjesimen olar fınalǵa joldama aldy.

Fınal 29 qyrkúıekke belgilengen.

Búginge deıin «Qaırat» 9 márte kýbokty tóbesine kóterdi.

Al, «Jeńis» (Astana) men «Astana» — 3, «Qaısar» (Qyzylorda) men «Ordabasy» (Shymkent) — 2, «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Aqtóbe», «Almaty», «Tobyl» (Qostanaı), «Dostyq» (Almaty), «Elimaı» (Semeı) — 1 márteden kýbok ıegeri atandy.