Fýtbol: «Astana» syrt alańda «Aqtóbege» ese jiberdi

<p>Búgin fýtboldan premer-lıga komandalary arasyndaǵy el birinshiliginiń 24-týrynda elordalyq &laquo;Astana&raquo; syrt alańda &laquo;Aqtóbege&raquo; ese jiberdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Elordalyq komanda bıyl da bas júldeden úmitker ujymdar qatarynda sanalyp otyr. Ázirge týrnır kestesinde ekinshi orynda keledi. Enshisinde 49 upaı bar. Kósh basynda 23 oıynnan keıin 52 upaımen shymkenttik «Ordabasy» tur.

Al úshinshi oryndaǵy «Aqtóbe» de chempıondyqtan úmit úzgen joq. Búgin jeńiske jetken jaǵdaıda bas júldege talasatyn komandalar qataryna jaqyndaı túsetin edi.

Aqtóbelik klýb «Astanamen» kezdesý barysynda jınaqy qımyl kórsetti. Nátıjesinde olardyń qatarynan 11-mınýtta Álibek Qasym penaltıden esep ashsa, 78-mınýtta Shına kózdegen nysanadan múlt ketken joq.

Osylaısha «Aqtóbe» qaryslasynan 2:0 esebimen basym tústi.

Endi 1 qazanda kósh basynda kele jatqan «Ordabasy» syrt alańda Taldyqorǵannyń «Jetisýymen» kezdesedi. Jeńiske jetken jaǵdaıda «Astanadan» alty upaıǵa uzap ketedi. Sondaı-aq, bul kúni 15:00-de «Aqsý» (Pavlodar oblysy) men «Qaısar» (Qyzylorda), «Qyzyljar» (Petropavl) men «Oqjetpes» (Kókshetaý) oınaıdy.

Atalǵan týrda 17:00-de «Kaspıı» (Aqtaý) men «Qaırat» (Almaty), 21:00-de «Atyraý» men «Maqtaral» (Túrkistan oblysy) sheberlik baıqasady.