Fýtbol: «Astana» elordada «Ordabasydan» basym tústi

ASTANA. QazAqparat - Búgin fýtboldan Premer-Lıga komandalary arasyndaǵy el birinshiliginiń 4-týry máresine jetti, dep habarlaıdy QazAqparat tilshisi.

Tórtinshi týrdy «Astana» men «Ordabasy» klýbtary túıindedi.

Komandalar bıyl bas júldeden úmitker sanalady. Alǵashqy úsh týrda «Ordabasy» upaı joǵaltqan joq. Týrnır kestesinde aldyńǵy orynnyń birinde turdy. Al «Astana» úsh oıynda jeti upaı jınap, altynshy orynǵa turaqtaǵan edi.

Kezdesý barysynda komandalar birden shabýylǵa kóshti. Qos klýb tarapynan gol soǵatyn múmkindikter az bolǵan joq. Dese de oıynnyń birinshe kezeńinde tablodaǵy esepke ózgeris engen joq.

Ekinshi kezeńde elordalyq klýb eki gol soǵyp ketti. Olardyń qatarynan Marın Tomasov 64-mınýtta mergendik tanytsa, 72-mınýtta shymkenttik komandadan Mamadý Mbodj avtogol avtory atandy.

Osylaısha «Astana» qarsylasynan 2:0 esebimen basym tústi. Týrnır kestesinde besinshi orynǵa kóterildi.

Eske salsaq, budan buryn qyzylordalyq «Qaısar» syrt alańda aqtaýlyq «Kaspııden» 3:1, «Qyzyljar» «Atyraýdan» 4:0, «Aqsý» óz alańynda «Maqtaraldan» 2:1 esebimen basym tústi.

Sondaı-aq, «Shahter» men «Qaırat» «Jetisý» men «Tobyl» 1:1 esebine qanaǵat bildirdi.

Endi aldaǵy týr oıyndary 8 sáýir kúni ótkiziledi.