Fýtbol: «Astana» elordada «Kaspııden» basym tústi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 13-týrynda elordalyq «Astana» Aqtaýdyń «Kaspııin» jeńdi, dep habarlaıdy QazAqparat tilshisi.

Kezdesý barysynda elordalyq klýb tizgindi óz qolyna alýǵa tyrysty. Aldymen Fabıen Ýrega 19, Abat Aıymbetov 21-mınýtta mergendik tanytty.

Odan keıin 55-mınýtta «Kaspıı» sapynan Georgıı Pantsýlaıa penaltıden esep aıyrmasyn qysqartty.

Al 66-mınýtta elordalyq klýbtan Mıhaıl Gabyshev qorytyndy esepti belgiledi.

Osylaısha «Astana» qarsylasynan 3:1 esebimen basym tústi.

Sondaı-aq, almatylyq «Qaırat» óz alańynda Petroavldyń «Qyzyljaryn» 3:0 esebimen súrindirdi.

Dál qazir birinshi kezeńnen keıin «Atyraý» óz alańynda Qostanaıdyń «Tobylyn» 1:0 esebimen jeńip jatsa, endi ǵana bastalǵan qaraǵandylyq «Shahter» men taldyqorǵandyq «Jetisý» arasynda esep ashylǵan joq.

Endi 20.00-de «Aqsý» (Pavlodar oblysy) men «Ordabasy» (Shymkent) komandalary kezdesedi.

Al 25 maýsymda 18:00-de «Oqjetpes» (Kókshetaý) pen «Qaısar» (Qyzylorda), 20.00-de «Aqtóbe» men «Maqtaral» (Túrkistan oblysy) oınaıdy.