Fýtbol: «Aqtóbe» tórtinshi orynǵa kóterildi

ASTANA. QazAqparat – Fýtboldan Premer-lıga komandalary arasyndaǵy el birinshiliginde 11-týr máresine jetti, dep habarlaıdy QazAqparat tilshisi.

Atalǵan týrdaǵy sońǵy kezdesýde qyzylordalyq «Qaısar» óz alańynda «Aqtóbe» komandasyn qabyldady.

Bıylǵy birinshilikti aqtóbelik klýb qarqyndy bastaǵan edi. Ol týrnır kestesinde júldege talasatyn komandalar qatarynda sanalady. Degenmen sońǵy bes kezdesýdiń nebári ekeýinde jeńiske jetti.

Kezdesý barysynda komandalar tartysty oıyn ótkizdi. Match taǵdyryn sheshken jalǵyz goldy «Aqtóbe» sapynan Álibek Qasym 71-mınýtta baspen soqty.

Osylaısha «Aqtóbe» 1:0 esebimen jeńiske jetip, týrnır kestesinde tórtinshi orynǵa kóterildi.

Aıta ketsek, 27 mamyrda «Maqtaral» «Qaıratty» - 3:1, «Aqsý» «Jetisýdy» 2:1 esebimen tize búktirse, «Kaspıı» men «Shahter» kezdesýinde 1:1 esebimen teń tústi.

Al syrt alańda «Tobyl» «Oqjetpesti» - 2:1, «Ordabasy» «Qyzyljardy» 1:0 esebimen súrindirdi.

Endi 12-týr oıyndary 3 jáne 4 maýsym kúnderi ótkiziledi.