Fýtbol: «Aqsý» «Maqtaraldan» basym tústi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 4-týrynda «Aqsý» «Maqtaraldan» basym tústi, dep habarlaıdy QazAqparat tilshisi.

Eki komanda da bıylǵy dop dodasyn sátsiz bastady. Alǵashqy eki týrda «Aqsý» nebári bir upaı jınasa, «Maqtaraldyń» qorjyny bos boldy.

Búgingi kezdesý barysynda pavlodarlyq klýb oıyndy belsendi bastaǵan edi. Degenmen ýaqyt ótkennen keıin komandalar bir-biriniń qaqpasy mańynda jıi boı kórsetti. Osyndaı sátterdiń birinde «Maqtaral» shabýylshysy Petros Avetısıan 22-mınýtta mergendik tanytty. Birinshi kezeńde esepti ózgertetin birneshe sát bolǵan edi. Soǵan qaramastan tablodaǵy esep ózgerissiz qaldy.

Ekinshi kezeńde pavlodarlyq klýb belsendiligin arttyrdy. Nátıjesinde Tonı Sılva 51, Mıras Turylbek 71-mınýttarda gol soqty.

Osylaısha «Aqsý» qarsylasynan 2:1 esebimen basym túsip, alǵashqy jeńisine qol jetkizdi.

Eske salsaq, budan buryn qyzylordalyq «Qaısar» syrt alańda aqatýlyq «Kaspııden» basym tústi.

Sondaı-aq, taǵy bir oıynda «Shahter» pen «Qaırat» teń tústi.

Al 2 sáýirde «Jetisý» men «Tobyl», «Aqtóbe» men «Qyzyljar», «Atyraý» men «Oqjetpes», «Astana» men «Ordabasy» oınaıdy.