Fýrmanov shyńynda qalyp qoıǵan eki týrıst qutqaryldy

<p>ALMATY. KAZINFORM — Búgin, 21 sáýir tańǵy saǵat 8:35–te Respýblıkalyq jedel-qutqarý jasaǵynyń 5 adamnan quralǵan jedel toby jáne kınologtary eki týrıske kómektesý úshin Medeý aýdanyndaǵy taýǵa shyqty. </p>

Eki er adam Fýrmanov shyńyna (3053 m) kóterilip bara jatqanda bireýi tómen qaraı domalap ketken, al ekinshisi borpyldaq jerde qalyp, óz betinshe tómen túse almaǵan. 

Saǵat 12.02-de qutqarýshylar olarǵa jetip, bosań topyraqta qalyp qoıǵan adamdy tasymaldaýǵa kiristi. 

Saǵat 13:58-de qutqarýshylar operatsııany aıaqtap, týrısti feldsherlerge tapsyrdy. 

Foto: TJM

2004 jáne 2005 jyly týǵan eki adam qutqaryldy.

TJM qutqarýshylary taýǵa bir kúndik saparǵa shyqqanda jeke jabdyqtar kerektigin eske salady.

Olar: yńǵaıly trekkıng báteńke, serýendeýge arnalǵan taıaqshalar, mindetti túrde sý, sý ótkizbeıtin pakettegi sirińkeler, toqtaýǵa arnalǵan hoba (otyratyn kilem), jyldyń kez kelgen mezgilinde spf-krem.

Foto: TJM

«Otbasyńyzǵa nemese jaqyndaryńyzǵa josparlanǵan marshrýt pen qaıtý ýaqyty jóninde eskertýdi umytpańyz» deıdi qutqarýshylar.