FTX krıptovalıýtasynyń negizin qalaýshy alaıaqtyq boıynsha aıypty dep tanyldy

<p>Nıý-Iork federaldyq sotynyń alqabıleri Cem Bankman-Frıdti alaıaqtyq pen aqsha jymqyrý maqsatynda qylmystyq kelisim jasaǵany úshin aıypty dep tanydy. Eks-mıllıarder sot tyńdalymy kezinde &laquo;úlken qatelik&raquo; ketkenin, zańdy ádeıi buzbaǵanyn aıtty. <a href="Kazinform" target="_blank" rel="noopener">Kazinform</a> bul týraly <a href="https://ru.euronews.com/next/2023/11/03/ru-sam-bankman-fried-found-guilty" target="_blank" rel="noopener">Euronews basylymyna</a> silteme jasap habarlaıdy.&nbsp;</p>

Byltyr bankrotqa ushyraǵan FTX krıptovalıýta bırjasynyń negizin qalaǵan Sem Benkman-Frıd aıyptaýdyń barlyq jeti bóligi boıynsha, onyń ishinde alaıaqtyq pen aqsha jymqyrý maqsatynda qylmystyq kelisim jasaǵany úshin kináli dep tanyldy. 31 jastaǵy eks-mıllıarder ómir boıyna bas bostandyǵynan aıyrylýy múmkin. 

Prokýrorlardyń pikirinshe, ol ınvestorlardan 10 mlrd dollarǵa deıin aqsha urlaý shemasyn jasaǵan. Alqabıler klıentterdiń depozıtteri FTX basshysyna tıesili Alameda Research hedj-qoryna qaryzdardy óteý jáne sán-saltanatty jyljymaıtyn múlkin satyp alýǵa jumsalǵanyn anyqtady.

«Bul AQSh tarıhyndaǵy eń iri qarjy alaıaqtyǵynyń biri», - dep málimdedi Manhetten prokýrory Demıan Ýılıams.

Jaza kelesi jyly naýryzda taǵaıyndalady, Benkman-Frıd kinásin moıyndaǵan joq.

Buǵan deıin FTX krıptovalıýta bırjasy AQSh-ta sot protsedýrasy arqyly klıentterine aqshasyn qaıtarýdyń amalyn izdep, bankrottyǵyn jarııalaǵanyn jazǵan bolatynbyz.