FTX krıpto bırjasynyń negizin qalaýshy 25 jylǵa bas bostandyǵynan aıryldy

<p>ASTANA. KAZINFORM &mdash;Іri krıptovalıýta bırjalarynyń biri FTX negizin qalaýshy jáne burynǵy bas dırektory Sem Benkman-Frıdti AQSh soty 25 jylǵa bas bostandyǵynan aıyrdy, dep jazady <a href="https://www.dw.com/ru/osnovatel-kriptobirzi-ftx-prigovoren-k-25-godam-lisenia-svobody/a-68694742" target="_blank" rel="noopener">DW</a>.</p>

Buǵan deıin Benkman-Frıd klıentterden 8 mıllıard dollar jymqyryp, qarjylyq alaıaqtyq uıymdastyrǵany úshin kináli dep tanylǵan.

Prokýratýra oǵan 40 jyldan 50 jylǵa deıin bas bostandyǵynan aıyrý jazasyn surady. Úkimdi beısenbi, 28 naýryzda Nıý-Iork okrýginiń sýdıasy Lıýıs Kaplan jarııalady. Sot krıptoınvestordy klıentterge 11 mıllıard dollar kóleminde ótemaqy tóleýge mindettedi.

Sýdıanyń aıtýynsha, aıyptalýshy «osy qylmystardy jasaǵany úshin bir aýyz ókinish bildirgen joq».

2019 jyly negizi qalanǵan FTX bırjasy 2022 jyldyń qarashasynda 32 mıllıard dollarǵa baǵalandy. Benkman-Frıdtiń ekinshi iri bıznesiniń aktıvteri negizinen óz bırjasy shyǵarǵan krıptovalıýtadan turatyny týraly jýrnalıstik zertteý jarııalanǵannan keıin kompanııanyń quny birneshe kún ishinde nólge deıin tómendedi.