14:41, 09 Qańtar 2025

Frıstaıl mogýldan ÁCh: Denıs Rastrýba men ıÝlııa Fıklıstova kúmis júldeger atandy

ASTANA. KAZINFORM – Búgin Almaty qalasynda «Shymbulaq» taý shańǵy kýrortynda ótip jatqan frıstaıl-mogýldan jasóspirimder arasyndaǵy álem chempıonatynda Qazaqstan qorjynyna taǵy bir kúmis júlde tústi.

Foto: Sportty damytý dırektsııasy

Naqtyraq aıtsaq, aralas juptyq synda Qazaqstan-2 komandasy (Denıs Rastrýba, ıÝlııa Fıklıstova) fınalǵa deıin súrinbeı jetip, 28 upaı jınap, el qorjynyna kúmis júlde syılady. Atalǵan synda bas júldeni AQSh-2 quramasy jeńip aldy. Al, úzdik úshtikti taǵy bir amerıkalyq jup qanjyǵasyna baılady.

Eske sala keteıik, Denıs pen ıÝlııa ótken jyly Ońtústik Koreıanyń Kanvon qalasynda IV qysqy jasóspirimder Olımpıadasynda birge synǵa túsken bolatyn.

Osylaısha frıstaıl-mogýldan Ulttyq qurama jasóspirimder arasyndaǵy álem chempıonatyn 1 altyn, 2 kúmis júldemen aıaqtady.

Aıta ketsek, keshe Anastasııa Gorodko frıstaıl-mogýldan úsh dúrkin álem chempıony atandy.

Sport frıstaıl mogýl Álem chempıonaty

Kúnsultan Otarbaı

Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan. 2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst. Seıdaqmet Berdiqulov atyndaǵy arnaıy syılyqtyń laýreaty.