Frılanser qyzmetine qaı salalarda suranys bar

ASTANA. QazAqparat – Elimizde qaı salalarda frılanser qyzmetine suranys bar? Bul týraly Eńbek jáne halyqty áleýmettik qorǵaý mınıstrligi Eńbek resýrstaryn damytý ortalyǵynyń basqarýshy dırektory Aleksandra Molchanovskaıa málim etti, dep habarlaıdy QazAqparat tilshisi.

«Búginde frılans qyzmeti álemde trendke aınalyp úlgerdi. Ýaqyt sanap oǵan suranys artyp keledi. Sebebi, jumys berýshi úshin frılanser qyzmeti yńǵaıly. Ýaqytsha jumys úshin shtatqa maman alyp, ony rásimdeýdiń qajeti joq. Biz bul salaǵa da taldaý júrgizdik. Búginde frılanserler zań boıynsha jeke tabys salyǵyn tólep, zeınetaqy qoryna jarna aýdarady. Sonymen qatar, olar áleýmettik aýdarym jasaıdy», - dedi Aleksandra Molchanovskaıa «Qazaqstannyń eńbek naryǵy týraly ekinshi ulttyq baıandama» atty onlaın-konferentsııada.

Mınıstrlik ókiliniń aıtýynsha, byltyr elimizde 1 mln astam adam frılanser bolyp jumys istegen.

«Onyń ishinde 208 myń adam úshin frılans basty tabys kózi bolǵan. Al, 820 myń otandasymyz frılanstan basqa jumysty qosa alyp júrgen. Elimizde frılanserlerdiń ortasha jalaqysy – 256 124 teńge. Atalǵan qyzmet, ásirese bilim berý, saýda, memlekettik basqarý jáne áleýmettik qamtý salasynda jıi qoldanylady», - deıdi ol.