Frantsýz oppozıtsııasynyń jetekshisi Marın Le Penge qatysty sot protsesi bastaldy

<p>ASTANA. KAZINFORM &ndash; Frantsııadaǵy &laquo;Ulttyq birlestik&raquo; iri partııasynyń jetekshisi Marın Le Pen jáne basqa 26 adam, onyń ishinde Frantsııanyń qazirgi jáne burynǵy zań shyǵarýshylary men Eýroparlament depýtattary Eýroparlament qarjysyn jymqyrdy dep aıyptalýda, dep habarlaıdy jergilikti BAQ.</p>

Boljaldy shemalar 2004 jáne 2016 jyldar aralyǵynda jasalýy múmkin, dep jazdy Politico basylymy. 

Marın Le Penniń ózi zańsyzdyqqa qatysy baryn birneshe ret joqqa shyǵardy. 

Saýalnamalar frantsýz ýltra ońshyl kóshbasshysy Marın Le Penniń prezıdenttik saılaýda jeńiske jetýge burynǵydan da jaqyn ekenin kórsetti.

Alaıda sottyń isti qaraýy M.Le Pendi 2027 jyly prezıdenttik saılaýǵa túsý múmkindiginen aıyrýy múmkin. 

Eger ol eki aıǵa sozylǵan sot talqylaýynan keıin kináli dep tanylsa, 10 jylǵa bas bostandyǵynan aıyrylyp, 1 mln eýroǵa deıin aıyppul tóleıdi. Osyndaı merzim túrmede otyrý ekitalaı bolǵanymen, oǵan memlekettik qyzmetke qatysýǵa bes jylǵa tyıym salyna alady. 

Prokýrorlar óz málimdemesinde Eýroparlament aqparatyna súıenip, «Ulttyq birlestik» partııasynda negizgi qyzmetterdi atqarǵan depýtat kómekshilerine jylyna mıllıondaǵan eýro jumsaǵanyn bilgenin habarlady. 

«Eýropalyq parlamenttiń zańgerleri bul jaǵdaıda parlament qarjylyq shyǵynǵa ushyrap, sonymen qatar bedeline nuqsan keltirdi dep esepteıdi», - delingen parlamenttiń baspasóz qyzmeti Politico gazetine bergen málimdemesinde. 

Іske frantsýz ońshyl kúshteriniń basqa da kórnekti qaıratkerleri, sonyń ishinde partııanyń negizin qalaýshy jáne Marınniń ákesi Jan-Marı Le Pen, sondaı-aq Frantsııanyń ońtústigindegi Perpınıan qalasynyń meri Lýı Alıo jáne Marın Le Penniń burynǵy azamattyq seriktesi sııaqty basqa da sheneýnikterdiń qatysy bar.