Frantsýz boksshysy áıgili Haıme Mýngııany nakaýtqa túsirdi

<p>ASTANA. KAZINFORM &ndash; Tıhýanada (Meksıka) ótken boks keshindegi basty jekpe-jekte sýper orta salmaqtaǵy burynǵy álem chempıony (76,2 kelige deıin) Haıme Mýngııa (44-2, 35 KO) frantsııalyq Brýno Sýrachemen (26-0-2, 5 KO) qolǵap túıistirdi, dep habarlaıdy <a href="https://www.sports.kz/boxing" target="_blank" rel="noopener">Sports.kz</a> saıty <a href="http://vringe.com/" target="_blank" rel="noopener">Vringe.com</a> saıtyna silteme jasap.</p>

Birinshi raýnd qos boksshynyń bir-birin barlaýymen ótti. Mýngýıa belsendilik tanytqanymen qarsylasyna aıtarlyqtaı dóp soqqylaryn daryta almady. Alaıda ekinshi rýnd bastala sala Sýracheni soqqynyń astyna aldy. Tipti sol qolymen baǵyttaǵan zildeı soqqysy, frantsııalyq boksshyny eseńgiretip tastady. Biraq Brýno ornynan turyp, jekpe-jekti jalǵastyrdy.

Úshinshi raýnd barysynda da Brýno kóbirek qorǵanýmen ýaqyt ótkizdi. Biraq sońǵy sekýndtarda jaqsy kombınatsııalyq shabýyl jasaı aldy. Odan keıingi eki raýnd da tartysqa toly boldy.

Alltynshy raýndta kútpegen nátıje tirkeldi. Shabýylǵa shyqqan Mýngııa qorǵanysty umytyp, qarsylasynyń qarymta soqqysynan rıng tórinde shalqasynan qulady. Tóreshi ózine kele almaǵan tanymal boksshynyń jekpe-jekti ary qaraı jalǵastyra almaıtynyn aıtyp, aıqasty toqtatty. Osylaısha bul boks keshinde sensatsııa tirkeldi. 

Aıta keteıik, Haıme Mýngııa mansabyndaǵy ekinshi jeńilisine ushyrady. Birinshi ret ol Kaneloǵa ese jibergen bolatyn. Al Brýno Sýrache qatarynan 26 jeńisine qol jetkizdi.