Golan tóbelerindegi fýtbol alańyn atqylaý saldarynan 12 jasóspirim qaza tapty

<p>ASTANA. KAZINFORM &ndash; Izraıl áskerıleriniń málimeti boıynsha, Izraıl basyp alǵan Golan tóbelerindegi fýtbol alańyn atqylaý saldarynan 12 jasóspirim qaza taýyp, ondaǵan adam jaraqat aldy. Bul týraly <a href="https://www.bbc.com/russian" target="_blank" rel="noopener">BBC</a> jazdy.&nbsp;&nbsp;</p>

Izraıl qorǵanys kúshteri zymyrannyń Madjdal-Shams aýdanyna túskenin habarlady. Zardap shekkenderdiń kópshiligi balalar men jasóspirimder dep boljanýda.

IDF shabýyldar úshin Lıvannyń «Hezbolla» qozǵalysyn aıyptady, biraq «Hezbolla» medıa keńsesiniń basshysy Mohammad Afıf Izraıldiń soltústigindegi «Madjdal-Shamstaǵy oqıǵaǵa eshqandaı qatysy joq» jáne barlyq aıypty joqqa shyǵardy. 

Baza jarylys bolǵan fýtbol alańynan shamamen úsh shaqyrym jerde ornalasqan. Bul shabýyldar Izraıldiń tórt sodyrdyń kózin joıǵan Lıvan terrıtorııasyna jasaǵan soqqysynan keıin jasaldy.

AQSh-ta saparmen júrgen Izraıl premer-mınıstri Bınıamın Netanıahý Otanyna josparlaǵan ýaqyttan erte oralatynyn aıtty.

Senbi kúni kómekshileri oǵan atalǵan jaǵdaı týraly habarlady.