Frantsııanyń memlekettik qyzmetshileri Olımpıada oıyndarynda jumys istegeni úshin «bonýs» alady

<p>PARIJ. KAZINFORM &ndash; 2024 jyly Parıjde ótetin Olımpıadaǵa qatysatyn frantsýz memlekettik qyzmetshileri úshin 500-den 1500 eýroǵa deıin bonýstyq tólemder tólenedi. Bul týraly senbi kúni eldiń Memlekettik qyzmet mınıstri Stanıslas Gerını málimdedi.</p>

Bul habarlandyrý eki frantsýz kásipodaǵy CGT jáne FO Olımpıada oıyndary kezinde ereýilge shyǵýǵa nıetti ekenderin bildirgennen keıin jasaldy.

Degenmen, mınıstr S.Gerını búkil el olımpıada oıyndary kezinde ereýil bolǵanyn qalamaıtynyn aıtty.

- Bul sát ultymyz úshin jetistik bolýy kerek, - dedi frantsýz mınıstri.

Ol is-sharalar kezinde jumyldyrylǵan memlekettik qyzmetkerlerge «bonýstar» beriletinin, onyń mólsheri 500-den 1,5 myń eýroǵa deıin bolatynyn aıtty.

Sonymen qatar, Frantsııanyń ishki ister mınıstri Jerald Darmanen Olımpıada nysandaryn qorǵaýǵa qatysatyn quqyq qorǵaý qyzmetkerlerine shamamen 1900 eýro tólenetinin málimdedi.

Frantsııadaǵy Olımpıada oıyndary 26 shilde men 11 tamyz aralyǵynda, al Paralımpıada oıyndary 28 tamyz ben 8 qyrkúıek aralyǵynda ótedi.