Maıottadaǵy joıqyn tsıklonnan qurban bolǵandar sany ósýi múmkin

<p>ASTANA. KAZINFORM &ndash; Úndi muhıtyndaǵy Frantsııaǵa tıesili Maıotta arhıpelagynda &laquo;Shıdo&raquo; atty joıqyn tsılonnan soń qutqarý jumystary júrip jatyr, dep habarlaıdy BBC.</p>

Jergilikti ákimshilik basshysy Fransýa-Ksave Bevıl BAQ ókilderine qıraǵan dúnıelerdiń aýqymy anyqtalǵan soń qurban bolǵandar sany artýy múmkin ekenin jetkizdi.

Bul rette ol tabıǵı apat saldarynan júzdegen adam qurban bolǵanyn, alaıda olardyń sany myńdaǵan adamǵa jetýi múmkin ekenin eskertti.

Qazirgi tańda qutqarýshylar keıbir zardap shekken óńirlerge jetýge talpynyp jatyr.

 "Shıdo» keıbir eldi mekenderdiń qıraýyna ákelýi yqtımal. Sebebi onyń kúshi saǵatyna 225 km-di qurady.

Maıottada Frantsııa aýmaǵyna baspana izdep kelgen, qujatsyz júrgen mıgranttar kóp. Qurban bolǵandardyń kópshiligi solar bolýy yqtımal, sebebi olardyń kópshiligi qoldan jasalǵan baspanalarda turyp jatyr.

Maıotta araldar tobyndaǵy turǵyndar sany 320 myń adamdy quraıdy. Jergilikti turǵyndardyń kópshiligi azyq-túliktiń, aýyzsýdyń jetispeýshiligine, baspananyń joqtyǵyna shyǵamdanady.

Osyǵan deıin Grýzııa meıramhanalarynyń birinde 12 qyzmetkerdiń máıiti tabylǵanyn jazdyq.