Frantsııadaǵy sınagogaǵa shabýyl jasady degen kúdikpen Aljır azamaty ustaldy

<p>ASTANA. KAZINFORM &ndash; Frantsııanyń ońtústigindegi sınagogaǵa shabýyl jasady degen kúdikti Nım qalasynda qamaýǵa alyndy. Aqparat quraldarynyń habarlaýynsha, shabýylshy Aljır azamaty, dep jazady <a href="https://ru.euronews.com/my-europe/2024/08/25/france-synagogue-blast" target="_blank" rel="noopener">Euronews</a>.</p>

Frantsııanyń La Grand-Mott qalasyndaǵy sınagogaǵa shabýyl jasaǵan er adamdy izdeýge 200-ge jýyq polıtsııa men jandarm jumyldyryldy. Kúdikti Nım qalasynda ustaldy.

Buqaralyq aqparat quraldarynyń habarlaýynsha, ol 33 jastaǵy Aljır azamaty. Polıtsııa operatsııasy kezinde er adam tártip saqshylaryna oq jaýdyrǵan. Shabýylshynyń ózi polıtsııanyń oǵynan jaraqat alǵan.

Kúdiktimen baılanysta bolǵan taǵy birneshe adam qamaýǵa alyndy.

24 tamyzda La Grand-Mottedegi Bet ıAakov sınagogasynyń janynda eki kólik órtenip, jarylys boldy. Bir mýnıtsıpaldy polıtsııa qyzmetkeri jaraqat aldy. Shabýyl kezinde ǵımaratta bolǵan bes adam zardap shekken joq.

Bılik shabýyldy qatań aıyptady.

«Frantsýzdyq evreıge shabýyl jasaý - barlyq frantsýzdarǵa shabýyl jasaý sanalady, óıtkeni bul bizdiń otandastarymyzdyń birine, onyń senimine baılanysty shabýyl, óıtkeni Frantsııa, bizdiń respýblıka, olardyń senimine qaramastan, barlyq otandastaryn qorǵaıdy», - dedi Frantsııanyń premer-mınıstri Gabrıel Attal.

Osy shabýyldan keıin úkimet polıtsııa qyzmetkerlerine sınagogalardy, evreı mektepteri men dúkenderin qatań kúzetýge buıryq berdi.

Osyǵan deıin sınagogany órtemek bolǵan adamdy Frantsııada polıtsııasy atyp óltirgenin jazdyq.