Frantsııada jarylys qaýpine baılanysty segiz áýejaı ýaqytsha jabyldy

<p>Frantsııa jarylys qaýpine baılanysty sársenbi kúni segiz áýejaıdy ýaqytsha jabýǵa májbúr boldy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://edition.cnn.com/travel/article/france-airports-evacuated-after-bomb-scare-intl/index.html" target="_blank" rel="noopener">CNN</a>-ge silteme jasap habarlaıdy.&nbsp;</p>

Parıj mańyndaǵy Bove áýejaıy birneshe frantsýz áýejaıynan túsken belgisiz qaýip týraly habarlamadan keıin jabylǵanyn málimdedi. Keıinirek áýejaı qaıta ashylatynyn habarlady.

Frantsııanyń shyǵysyndaǵy Strasbýrg áýejaıy da jarylys qaýpine baılanysty jabylǵany belgili boldy.

Batys aımaqtaǵy Nant áýejaıynyń jabylýyna da dál osyndaı jaǵdaı sebep bolǵan.

Eldiń ońtústik-batysyndaǵy Bıarrıts jáne Týlýza, soltústigindegi Lıll jáne ońtústik-shyǵysyndaǵy Lıon-Brone áýejaılary polıtsııa tekserisinen keıin áýe aılaǵy jumysyn qaıta bastaıtynyn aıtty. Sársenbi kúni jarylys qaýpine baılanysty tórt áýejaı jabyldy.

Frantsııanyń ońtústigindegi Nıtstsa áýejaıy tańerteń qaldyrylǵan kúdikti zattyń saldarynan jabylǵannan keıin jumysyn qaıta bastady.

Parıj mańyndaǵy Versal saraıy qaýipsizdik maqsatynda kelýshilerdi bir apta ishinde úshinshi ret jabyldy. Sársenbide kelýshiler úshin qaıta ashyldy.

Parıjdegi Lývr senbi kúni qaýipsizdik maqsatynda jabylyp, kelesi kúni qaıta ashyldy.