10:13, 21 Naýryz 2025

Frantsııada Ýkraınaǵa qatysty sammıt 27 naýryzda ótedi – Makron

ASTANA. KAZINFORM — Frantsııa prezıdenti Emmanıýel Makron Brıýsseldegi EO sammıtiniń alǵashqy kúninen keıin birneshe el basshylarynyń Ýkraına tóńiregindegi jaǵdaıdy talqylaý úshin 27 naýryzda Parıjde kezdesetinin málimdedi, dep habarlaıdy TASS.

Foto: 123RF/gintsivuskansphoto

- Kelesi beısenbide biz Parıjde Ýkraınaǵa kómek kórsetýge nıetti elder koalıtsııasynyń sammıtin ótkizemiz, - dedi Makron

Bloomberg málimetinshe, Germanııa, Frantsııa jáne Polsha sııaqty EO-nyń jetekshi elderi, sondaı-aq Kanada men Ulybrıtanııa (EO quramyna kirmeıtin memleketter) kelesi aptada Parıjde jańa sammıt ótkizedi.

Bul elder 20 naýryzda Brıýsselde ótken sammıtte bastalǵan talqylaýdy jalǵastyrady.

Kún tártibinde – AQSh pen Reseı arasyndaǵy Ýkraına boıynsha kelissózderge yqpal etý múmkindikteri jáne, eń tıimdi jaǵynan olarǵa qatysý joldaryn qarastyrý máseleleri tur.

Aıta keteıik, buǵan deıin AQSh bıliginiń ókilderi Rýbıo men Vals Ýkraınadaǵy atysty toqtatý týraly kelissózder júrgizý úshin Taıaý Shyǵysqa baratynyn jazdyq.

Eýropalyq Odaq Ýkraına Frantsııa

Ashat Raıqul

M.H.Dýlatı atyndaǵy TarMÝ túlegi. Jýrnalıstıka salasynda 15 jyldan beri eńbek etip keledi. Aımaqtyq, salalyq, respýblıkalyq basylymdarda, ınternet-portaldarda túrli qyzmetter atqarǵan. 2022 jyldan beri - QazAqparat agenttiginiń shyǵarýshy redaktory.