Frantsııada Pavel Dýrovtyń aǵasyna izdeý jarııalandy

<p>ASTANA. KAZINFORM &ndash; Eýropalyq Politico basylymy Frantsııada Telegram negizin qalaýshy Pavel Dýrovtyń aǵasy Nıkolaı Dýrovqa da izdeý jarııalanǵanyn habarlady, dep jazady <a href="https://tass.ru/proisshestviya/21707403" target="_blank" rel="noopener">TASS</a>.&nbsp;</p>

Pavel men Nıkolaıdy qamaýǵa alý orderi uıymdasqan top quramynda kámeletke tolmaǵandardyń pornografııalyq sýretterin saqtaýǵa, taratýǵa nemese olarǵa qoljetimdilikti qamtamasyz etýge qatysy bar degen aıyppen 25 naýryzda shyǵarylǵany atap ótildi.

Gazettiń habarlaýynsha, order balalar pornografııasyn daıyndap taratqany úshin aıyp taǵylǵan adamnyń kim ekenin anyqtaý úshin berilgen ótinimdi Telegram jaýapsyz qaldyrǵannan keıin berildi. Aǵaıyny Dýrovtardy tutqynǵa alý jónindegi orderdiń berilýine negiz bolǵan jáıtterdiń ishinde qylmystyq toptardyń Telegram-dy qoldanýy faktisi de bar.

Politico-nyń habarlaýynsha, is materıaldarynda messendjerdiń vıtse-prezıdenti Ilıa Perekopskııdiń de aty atalǵan, biraq ony qamaýǵa alýǵa order berilgen-berilmegeni kórsetilmegen.

Prokýratýra aǵaıyndylardy tutqyndaýǵa order berý týraly gazetke túsinik berýden bas tartty. Pavel Dýrovtyń advokaty da tergeýge qatysty pikir bildirýden bas tartty.

Frantsýz aqparat quraldarynyń habarlaýynsha, Pavel Dýrov 24 tamyzda Parıjdiń Le Býrje áýejaıynda balalarǵa qarsy qylmysqa, esirtki saýdasyna jáne alaıaqtyqqa qatysy bar degen aıyppen ustalǵan. Ol 20 jylǵa deıin bas bostandyǵynan aıyrylýy múmkin. Dýrov - Reseı, Sent-Kıts pen Nevıs, Frantsııa jáne BAÁ azamaty. Frantsııadaǵy Reseı elshiligi mán-jaıdy anyqtap jatyr.

Ilon Mask Dýrovtyń ustalýyn sóz bostandyǵyna kepildik beretin AQSh Konstıtýtsııasyna engizilgen birinshi túzetýdiń «jarnamasy» dep atady.

Al Telegram komandasy platformadaǵy qııanat týraly aıyptaýlardyń aqylǵa qonymsyz ekenin aıtty.