Frantsııada áıeli men tórt balasyn óltirdi degen kúdikpen er adam ustaldy

<p>Qaıǵyly oqıǵa 25 jeltoqsan keshke Mo qalasynda boldy. Kúdikti kelesi kúni kórshi departamentte qolǵa túsirildi. <a href="Kazinform" target="_blank" rel="noopener">Kazinform </a>bul týraly <a href="https://ru.euronews.com/2023/12/26/france-homicide" target="_blank" rel="noopener">Euronews</a>-ke silteme jasap habarlaıdy.</p>

Frantsýz polıtsııasy seısenbi kúni áıeli jáne 9 aı men 10 jas aralyǵyndaǵy tórt balasyn óltirdi degen kúdikpen 33 jastaǵy er adamdy ustaǵanyn málim etti.

Qaıǵyly oqıǵa 25 jeltoqsan keshke Mo qalasynda, Sena jáne Marna departamentinde bolǵan.

Dabyldy qurbandardyń týystary men kórshileri qaqty. Kórshilerdiń biri eden men esiktiń tutqasynan qan izderin kórgennen keıin polıtsııaǵa habarlasqanyn aıtty.

Kúdiktini izdeý túni boıy jáne seısenbi tańerteń jalǵasty. Ol Senaǵa kórshiles Sen-Denı departamentinde qolǵa tústi. Ol 2019 jyly da áıelin pyshaqpen jaraqattaǵan, biraq ol kezde qylmystyq is qozǵalmapty.

Sondaı-aq kúdikti 2017 jyldan beri kúızelis pen psıhıkalyq buzylys saldarynan dárigerlerdiń baqylaýynda ekeni belgili boldy.