Frantsııada 2 joıǵysh ushaq soqtyǵysty

<p>PARIJ. KAZINFORM&nbsp;&mdash; Frantsııanyń soltústik-shyǵysynda Dassault Rafale eki joıǵysh ushaǵy soqtyǵysyp, eki áskerı ushqysh qaza tapty. Bul týraly eldiń qorǵanys mınıstrligine silteme jasap <a href="https://news.sky.com/story/two-french-fighter-pilots-die-after-warplanes-collide-mid-air-13197301" target="_blank" rel="noopener">&laquo;Sky News&raquo;</a> habarlady.</p>

Oqıǵa áskerı ushaqtar Kolombe-Le-Bel qalasynyń mańyndaǵy Vosges aımaǵynda oqý-jattyǵý mıssııasyn oryndap jatqan kezde bolǵan.

Ekinshi ushaqtaǵy ushqysh katapýlt kómegimen ushaqtan shyǵyp úlgergen. Biraz ýaqyttan keıin ol jeńil jaraqatpen tiri tabyldy. Polıtsııa apatta qaza tapqan ushqyshtardy tabý úshin orman alqabyn saǵat boıy izdestirgen.

El prezıdenti Emmanýel Makron óziniń X paraqshasynda qaza tapqandardyń aty-jóni: qarýly kúshter qatarynda uzaq ýaqyt qyzmet etken kapıtan Sebastıan Mabır men leıtenant Matıs Loýrens ekenin málimdep, olardyń otbasylary men baýyrlaryna kóńil aıtty.

Qorǵanys mınıstrligi ókilderiniń aıtýynsha, qazir oqıǵanyń sebepterin anyqtaý tergeý amaldary júrgizilýde.