Frantsııa Syrtqy ister mınıstri Izraılge bardy

<p>Frantsııa Syrtqy ister mınıstri Ketrın Kolonna qazir ızraıldik áriptesi Elı Koenmen birge Ashkelon qalasynda júr, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://t.me/bbcrussian" target="_blank" rel="noopener">BBC News</a>-ke silteme jasap.</p>

Times of Israel basylymynyń habarlaýynsha, Kolonna óziniń saparyn Izraılmen yntymaqtastyqtyń kórinisi dep ataǵan.

«Bul sonymen qatar Frantsııanyń Izraıl halqynyń qaıǵysyn bólisetinin aıtýdyń bir joly», - dep qosty ol.

7 qazanda Izraıldegi Hamas shabýylynan 17 frantsýz azamaty qaza taýyp, sany belgisiz frantsýz iz-túzsiz joǵalyp ketken, olar kepilge alynýy da múmkin.

Frantsııa búkil Eýropalyq odaq sııaqty HAMAS-ty terrorıstik uıym dep sanaıdy. Sonymen qatar, Frantsııada tártipsizdikterge jol bermeý úshin Palestınany qoldaıtyn kez kelgen áreketterge tyıym salynǵan.

Soǵan qaramastan, 12 qazanda ótken aktsııa belsendiler men polıtsııa arasyndaǵy qaqtyǵyspen aıaqtaldy.