Frantsııa prezıdenti Makron solshyl úkimet nusqasynan bas tartty

<p>ASTANA. KAZINFORM &ndash; 26 tamyzda prezıdent Emmanıýel Makron parlamenttik partııalardyń jetekshileri jáne qos palata basshylarymen alǵashqy konsýltatsııalar ótkizdi. Memleket basshysymen kezdesýge qatysýshylar kelissózderden keıin birden túsinikteme berýden bas tartty, dep habarlaıdy <a href="https://ru.euronews.com/my-europe/2024/08/26/france-new-consultations?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.&nbsp;</p>

Keshke Elıseı saraıy konsýltatsııalardan keıin kommıýnıke jarııalap, Makronnyń solshyl úkimet nusqasynan bas tartatynyn resmı túrde rastady.

«Prezıdent konsýltatsııalardan keıin «Jańa halyqtyq maıdannyń» jalǵyz baǵdarlamasy negizinde úkimetke basqa parlamenttik partııalar birden senimsizdik bildiretinin málimdedi. Mundaı úkimet tıimsiz bolar edi», - delingen málimdemede. 

Osylaısha, «Jańa halyqtyq maıdan» solshyl alıansy respýblıka premer-mınıstri laýazymyna usynǵan kandıdatýra ótpeı qaldy. Áńgime 37 jastaǵy ekonomıst Lıýsı Kaste týraly bolyp jatyr. 

Partııa ókilderi men tájirıbeli saıasatkerlermen keńesýdiń jańa kezeńi 27 tamyzda bastalady.

Elde ótken parlamenttik saılaýda ýltraońshyldar rekordtyq nátıje kórsetti, biraq olarǵa qarsy birikken kúshter – «Jańa halyqtyq maıdan» solshyl koalıtsııasy men «Respýblıka úshin birge» ortalyqshyl prezıdenttik bloktan jeńilip, úshinshi orynǵa shyqty.