Frantsııa prezıdenti Qasym-Jomart Toqaevty Parıjdegi beıbitshilik forýmyna shaqyrdy
«Aıtpaqshy, men Prezıdent myrzany keler jyly Parıjge kelip, beıbitshilik forýmyna qurmetti qonaq retinde qatysýǵa shaqyrdym», - dedi Emmanýel Makron Aqordadaǵy keńeıtilgen quramdaǵy kezdesýde.
Memleket basshysy shaqyrýdy qabyldaıtynyn aıtty.
«Shaqyrýyńyzǵa kóp raqmet, resmı saparmen baramyn. Qazaq mádenıetine arnalǵan úlken kórme aparamyz dep oılaımyn. Bul úlken oqıǵa, ózge de mańyzdy máseleler boıynsha sheshim qabyldaımyz dep oılaımyn. Sizge kóp raqmet», - dedi Qasym-Jomart Toqaev.
Eske salaıyq, Frantsııa Prezıdenti Emmanıýel Makron resmı saparmen Qazaqstanǵa keldi.
Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy.
Qazaqstan men Frantsııa prezıdentteri shaǵyn quramda kelissóz júrgizdi.
Makron bul sapar ekijaqty seriktestik úshin mańyzdy jylmen tuspa-tus kelip otyrǵanyn aıtty.
Qazaqstan Prezıdenti óz sózinde Frantsııa – Qazaqstannyń Eýropadaǵy óte mańyzdy seriktesi ekenin atap ótti.
Sondaı-aq, Prezıdent kezdesý kezinde bilim jáne ǵylym salasyndaǵy jobalardy qolǵa alýǵa erekshe kóńil bólingenin jetkizdi.
Emmanıýel Makron qazaq mektepterine frantsýz tilin oqytý tájirıbesi qaıta oralǵany mańyzdy ekenin jetkizdi.
Memleket basshysy Qasym-Jomart Toqaev álemdegi túrli saıası shıelenister men ekonomıkalyq daǵdarystar eldi alańdatyp otyrǵanyna toqtaldy.
Frantsııa Prezıdenti memleketter arasyndaǵy qarym-qatynastyń frantsııalyq úlgisi týraly aıtty.
Qasym-Jomart Toqaev pen Emmanıýel Makron eki memlekettiń resmı delegatsııalarynyń qatysýymen keńeıtilgen quramda kelissóz júrgizdi.
Frantsııa prezıdenti Emmanıýel Makron Memleket basshysy Qasym-Jomart Toqaevpen Aqordadaǵy kezdesýi kezinde Qaraǵandy oblysynda qaza bolǵan shahterlerdiń otbasyna kóńil aıtty.
Memleket basshylarynyń kezdesýinen keıingi qos eldiń qarym-qatynasy qaı baǵytta damýy múmkin?
Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.