Frantsııa Prezıdenti Emmanıýel Makron otaý qurýǵa bel býǵan qazaq jastaryn quttyqtady
«Súıikti qyzyma úılenýge usynys jasadym. Frantsııa Prezıdenti E. Makron birneshe saǵattan keıin bizdi quttyqtady», - dep jazdy Sanjar Taıjan Instagram paraqshasynda.
Áleýmettik jelide jarııalanǵan beınematerıaldan jastardyń Parıj kóshesinde Frantsııa Prezıdentimen kezdesip qalyp, oǵan Qazaqstannan ekenin, Prezıdenti Qasym-Jomart Toqaev ekenin aıtqanyn baıqaýǵa bolady.
Al Emmanıýel Makron taıaýda elimizde bolǵanyn, eki qazaqy tazysynyń baryn jáne olar úıinde ekenin atap ótti. Sonymen qatar ol nekelesýge ýádelesken jastardy quttyqtap, bar jaqsylyqty tileıtindigin jetkizedi.
Aıta keteıik, ótken jyldyń qarashasynda Frantsııa Prezıdenti Emmanıýel Makronnyń Qazaqstanǵa resmı saparyna oraı halqymyzdyń baı mádenı murasymen tanystyratyn arnaıy «Etnoaýyl» kórmesi uıymdastyrylǵan edi.
Kórme ortalyǵyn tamashalaý barysynda Emmanıýel Makronǵa qazaqy tazynyń tuqymy erekshe unaǵan bolatyn. Sol kezde Qasym-Jomart Toqaev frantsııalyq áriptesine tazy syılaýǵa ýáde bergen-tin. Bıyl aqpanda Memleket basshysy Qasym-Jomart Toqaev Frantsııa Prezıdenti Emmanıýel Makronǵa syılaǵan qazaqy tazynyń eki kúshigi Frantsııaǵa jetkizildi. Tazy kúshikterine Jıýl jáne Janna degen jarasymdy esim berilgen.