Olımpıada-2024: Frantsııa ashylý saltanatyna qatysatyn kórermen sanyn qysqartty

<p>ASTANA. KAZINFORM &mdash; Máskeý mańynda bolǵan lańkestik áreketke baılanysty Frantsııa terakt qaýpiniń eń joǵary deńgeıin jarııalady. Bul týraly jeksenbi, 24 naýryzda X áleýmettik jelisinde eldiń premer-mınıstri Gabrıel Attal málim etti, dep habarlaıdy <a href="https://www.dw.com/ru/francia-opasaetsa-teraktov-v-strane-posle-tragedii-v-krokus-siti/a-68657144" target="_blank" rel="noopener">Deutsche Welle</a> agenttigi.</p>

Onyń aıtýynsha, Frantsııa prezıdenti Emmanýel Makron Elıseı saraıynda eldiń qorǵanys jáne ulttyq qaýipsizdik keńesin jınaǵan. Attal kezdesýge sebep retinde 22 naýryzda Máskeý túbindegi Krasnogorsk qalasyndaǵy Crocus City Hall kontsert zalynda bolǵan teraktini, birneshe qarýly adam kelýshilerge oq jaýdyryp, keıin ǵımaratty órtep jibergenin atady.

«Islam memleketi» (Qazaqstanda tyıym salynǵan - red.) qurylymynyń lańkestik áreketke jaýapkershilikti óz moınyna alýyn jáne bizdiń elge tónip turǵan qoqan-loqqylardy eskere otyryp, Vıjıpıratty (terrorlyq qaýip týraly ulttyq júıe) eń joǵary deńgeıge – «tótenshe jaǵdaıǵa» kóterý týraly sheshim qabyldadyq», – dedi Attal.

Naýryz aıynyń basynda Politico gazeti Makron 26 shildede ótetin Parıjdegi Olımpıada oıyndarynyń ashylý saltanatynda lańkestik áreket bolýy múmkin degen qaýipke baılanysty kórermen sanyn qysqartýǵa buıryq bergenin jazǵan. Gazettiń habarlaýynsha, ol kezde eldiń barlaý qyzmeti 2024 jylǵy Olımpıada oıyndarynda jasalýy múmkin lańkestik áreketter qaýpin tirkemegen, biraq alańdaýshylyq bildirgen. Frantsııanyń Іshki ister mınıstrligi birqatar lańkestik top, sonyń ishinde «Islam memleketi» men «Ál-Kaıda» (Qazaqstanda tyıym salynǵan - red.) eldi bolashaq shabýyldar úshin yqtımal nysana, biraq olardyń shetelden uıymdastyrylýyna «qarjylyq múmkindikterdiń» joqtyǵy kedergi keltiredi dep sanaıdy.

Aıta ketsek, Parıjdegi Olımpıada oıyndarynyń ashylý saltanaty ádettegideı stadıonnyń ishinde emes, ashyq alańda — Sena jaǵalaýynda ótedi.