Frantsııa Balqashtyń ekologııalyq jaǵdaıyn zertteýge grant bólýi múmkin

<p>ASTANA. KAZINFORM &mdash; Ulttyq ekonomıka vıtse-mınıstri Arman Qasenov Frantsýz damý agenttiginiń Qazaqstan aýmaǵyndaǵy birneshe zertteý jumystaryna grant bóletinin aıtty.</p>

— Birinshi grant — densaýlyq saqtaý salasyndaǵy grant. Bul grant qazirgi kúnde maquldanǵan. Ekinshi grant — Halyqaralyq Araldy qutqarý qoryna beriletin grant. Bul grant ta maquldanǵan. Úshinshi grant — sý sharýashylyǵy salasyndaǵy grant. Onyń maqsaty — Balqash kóliniń sheńber planyn ázirleý. Qazirgi tańda Sý resýrstary jáne ırrıgatsııa mınıstrligi men Frantsýz damý agenttigi arasynda belsendi talqylaý júrgizilip jatyr. Sondyqtan bul grant áli maquldanǵan joq. ıAǵnı, úsh granttyń ekeýi maquldaǵan, — dedi ol Senat otyrysynda.

Kelisimniń erejesi boıynsha bul granttar zertteýlerge baǵyttalady jáne ol zertteýlerge frantsýz sarapshylary tartylady. Keıbir granttarǵa qazaqstandyq sarapshylar da tartylýy múmkin.

Aıta ketý kerek, bul granttar Qazaqstan jáne Frantsııa úkimetteriniń Frantsýz damý agenttigi arqyly yntymaqtastyqty damytýǵa arnalǵan kelisimi aıasynda bólinedi.
Agenttik Balqash máselesine 1,3 mln eýro bólýge nıetti.

Buǵan deıin Qazaqmys kompanııasy Balqashtyń ekojúıesin saqtaýǵa 5 mln dollar bóletini habarlandy.