Frantsııa 300 iri kompanııanyń salyǵyn ýaqytsha kóterýdi josparlap otyr

<p>ASTANA.KAZINFORM - Frantsııanyń jańa premer-mınıstri Mıshel Barne eldegi 300 iri kompanııanyń salyǵyn kóterý usynysyn qoldady. Ol bul bir-eki jylǵa arnalǵan &laquo;ýaqytsha shara&raquo; ekenin atap ótti.</p>

Osy beısenbide «France 2» telearnasynyń «l 'Event» baǵdarlamasyna shaqyrylǵan premer-mınıstr Mıshel Barne salyq máselesine qaıta oraldy.

Atap aıtqanda, quny bir mıllıard eýrodan asatyn 300 kompanııa ǵana bir-eki jyl ishinde memleket qazynasyna kóbirek salyq tóleýge májbúr bolady, - dedi Mıshel Barne.

El bıligi aǵymdaǵy jylǵy JІÓ-niń 6,1%-dan 5%-ǵa deıin tómendeıtinin boljaı otyryp, bıýdjet tapshylyǵyn boldyrmas úshin 2025 jyly jalpy somasy shamamen 60 mlrd eýro shyǵystaryn qysqartý jáne salyqtardy kóterý sharalaryn josparlap otyr.

- Bul bizge jylyna bıýdjetke shamamen 2 mıllıard eýro tartýǵa múmkindik beredi, - dedi ol.

Úkimet jalpy alǵanda, iri kompanııalar men jeke tulǵalardyń salyqtaryn arttyrý bıýdjetke shamamen 20 mıllıard eýro tartady dep esepteıdi.

Frantsýz bıligi kelesi jyly ártúrli mınıstrlikter, jergilikti bılik organdary jáne áleýmettik qamsyzdandyrý baǵdarlamasy boıynsha shyǵyndardy qysqartý arqyly bıýdjetti aıtarlyqtaı únemdeýge qol jetkizýdi josparlap otyr.

Buǵan deıin Frantsııada jańa úkimet bekitilgen bolatyn.