Frank-Valter Shtaınmaıer Qasym-Jomart Toqaevty rezıdentsııasynda qarsy aldy

<p>Prezıdent Qasym-Jomart Toqaevtyń Germanııa Federatıvtik Respýblıkasyna resmı sapary jalǵasyp&nbsp;jatyr. <a href="https://kaz.inform.kz/" target="_blank" rel="noopener">QazAqparat</a> bul týraly <a href="https://t.me/aqorda_resmi/11902" target="_blank" rel="noopener">Aqordaǵa</a> silteme jasap habarlaıdy.</p>

Memleket basshysy Bellevue rezıdentsııasyna keldi. Q.Toqaevty Germanııanyń Federaldyq Prezıdenti Frank-Valter Shtaınmaıer qarsy aldy.

Qasym-Jomart Toqaev Germanııa Prezıdentiniń rezıdentsııasynda Qurmetti qonaqtar kitabyna estelik qoltańba qaldyrdy.

Eske salsaq, keshe QR Prezıdenti Qasym-Jomart Toqaevtyń Germanııa Federatıvtik Respýblıkasyna resmı sapary bastaldy.

Prezıdent Germanııa Kantsleri Olaf Sholtstiń vedomstvosyna baryp, betpe-bet formatynda kelissóz júrgizdi.

Kelissózderden keıin tilshilerge bergen baspasóz máslıhatynda Prezıdent Qazaqstannyń Reseımen ekijaqty tarapta jáne tıisti ıntegratsııalyq birlestikter sheńberinde turaqty dostyq qarym-qatynasta ekenin aıtty. Ýkraınadaǵy jaǵdaıǵa qatysty Qazaqstannyń ustanymy jóninde pikir bildirdi. Ózara aıyptaýlardy toqtatyp, iskerlik kelissózder júrgizýge shaqyrdy.

Qazaqstan men Germanııanyń iri jáne orta bıznesteri arasynda mańyzdy kommertsııalyq kelisimder bekitildi.

Memleket basshysy Germanııanyń Federaldyq kantslerimen keńeıtilgen quramda kelissóz júrgizdi. Prezıdent júrgizilgen kelissózder qazaq-german qatynastaryn odan ári nyǵaıtýǵa eki taraptyń nıetti ekenin taǵy da rastaǵanyn atap ótti.