Frantsýzdar úsh aýrýdyń epıdemııasyna qaramastan, maska taǵýdan bas tartýda

ASTANA. QazAqparat – Frantsııa úkimetiniń keńes bergenine qaramastan el turǵyndary qoǵamdyq kólikte maska taǵýdan jappaı bas tartýda, dep habarlaıdy QazAqparat Euronews-ke silteme jasap.

Qazirgi tańda Frantsııada grıpp, COVID-19 jáne bronhıtke shaldyqqandar sany kún sanap artyp keledi. Ásirese balalardyń naýqastanýy jıiledi. Vaktsınatsııa deńgeıi tómen bolǵandyqtan, qazir eldiń densaýlyq saqtaý júıesine júkteme túsip otyr.

Frantsııa bıligi atalǵan úsh epıdemııa aıasynda jáne Rojdestvolyq demalys aldynda umytyla bastaǵan qorǵaný sharalaryna qaıta oralýǵa shaqyrdy. Keri jaǵdaıda shekteý sharalary mindetteletinin eskertti.

Al frantsýzdar koronavırýs pandemııasy kezindegi karantınnen sharshap, atalǵan vırýspen ómir súrýdi úırenbek.

«Áleýmettik qashyqtyq, vaktsınatsııa – bul táýekelge anaǵurlym osal naýqastar úshin, búgin men osynda, Fosh aýrýhanasynda kezdesken adamdar úshin jeke qorǵanys sharasy. Bul sondaı-aq ujymdyq jaýapkershilik. Bizdiń densaýlyq saqtaý júıesi úlken qysymmen betpe-bet kelip otyr, bul qalalyq medıtsına bolsyn, aýrýhanalar bolsyn. Qazirgi qysyltaıań jaǵdaıda úsh epıdemııa – bronhıolıt, grıpp jáne kovıd – júıege qaýip tóndirip tur. Eger júıe onymen kúrese almasa, barlyq naýqastar qıyn jaǵdaıda qalady», - dedi Frantsııanyń densaýlyq saqtaý mınıstri Fransýa Bron.