Frantsýz ónertapqyshy qoldan jasalǵan qurylǵydan qulap, jaraqat aldy

NUR-SULTAN. QazAqparat - Frantsýz ónertapqyshy Frenkı Zapata kórme kezinde qoldan jasalǵan reaktıvti rantsty basqara almaı, Bıskarros kóline 15 metrden qulap jaraqat aldy, dep habarlaıdy QazAqparat BBC silteme jasap.

Resmı aqparat kózderi 40 jastaǵy er azamattyń aýrýhanaǵa jetkizilgenin jáne onyń densaýlyǵy jaqsy ekenin habarlady.

Flyboard dep atalatyn qurylǵy tórt mıkrotýrbınamen jumys isteıtin jáne saǵatyna 140 km jyldamdyqqa jetýge qabiletti serfıng taqtasynyń bir túri.

Sý shańǵysy sportynyń burynǵy chempıony 2019 jyly Parıjdegi Bastılııany alý kúnindegi áskerı sherýde jáne La-Mansh buǵazynda nebári 22 mınýtta 35,4 km qashyqtyqta ushyp ótkennen keıin tanymal boldy.