Frantsýz kompanııasy elimizdiń 4 óńirinde elektrovoz óndirisin ashady

ASTANA. QazAqparat – Frantsýz kompanııasy elimizdiń 2 megapolısi men qos oblysynda elektrovoz óndirisin jáne olarǵa qyzmet kórsetetin ortalyqtardy ashýdy josparlap otyr. Muny BAQ ókilderiniń qatysýymen ótken brıfıngide Syrtqy ister mınıstriniń orynbasary Roman Vasılenko aıtty, dep habarlaıdy QazAqparat tilshisi.

«Total Energies» frantsýz kompanııasynyń Jambyl oblysynda salyp jatqan qýaty 1 gıgavatt bolatyn jel elektr stantsııasy jobasyna erekshe toqtalǵym keledi. Bul nysandy 2026-2027 jyldary paıdalanýǵa berý josparlanyp otyr. Onyń quny 1,9 mlrd dollarǵa baǵalanady. Budan basqa, «Alstom» kompanııasy Astana, Almaty qalalary men Jambyl jáne Túrkistan oblystarynda elektrovoz óndirisin jáne olarǵa qyzmet kórsetetin ortalyqtardy qurýdy josparlap otyr. Bul jobany iske asyrý kezinde 1 myńnan astam jergilikti mamandar daıarlanady», - dep josparlarǵa toqtaldy», - dep atap ótti Syrtqy ister mınıstriniń orynbasary.

Brıfıngi barysynda Roman Vasılenko aımaqtaǵy geosaıası jaǵdaıǵa baılanysty kóptegen eýropalyq kompanııalar bizdiń elge kelýge nıet bildirip jatqanyn aıtty.

Sonymen birge mınıstrdiń orynbasary byltyr Qazaqstan men Eýropalyq odaq arasyndaǵy ózara taýar aınalymy 27,6%-ǵa ósip, 40 mlrd dollarǵa jetkenin atap ótti.