Frantsýz kásiporyndary Qazaqstandy tsıfrlandyrýǵa kómektesedi
Frantsııa elshiligi uıymdastyrǵan bul jıynǵa frantsýz kásiporyndary men sarapshylar, qazaqstandyq memlekettik organdar men kommertsııalyq uıym ókilderi jınaldy.
«Bul forým - Astanadaǵy «Tsıfrlyq kúzdiń» mańyzdy sharasy. Qazaqstan ambıtsııalyq tsıfrlyq strategııasyn júzege asyryp jatqanda, Frantsııa eki eldiń tsıfrlyq ekojúıesi arasynda kelisim ornatýǵa kómekteskisi keledi. Búgingi forým eń sońǵy ınnovatsııalardy nazarǵa ala otyryp, basqarý, ındýstrııalandyrý, bilim berý, densaýlyq saqtaý jáne qarjy taqyryptaryn talqylaýǵa múmkindik beredi», - dedi elshi Astanadaǵy EKSPO aýmaǵynda uıymdastyrylǵan forýmda.
Elshiniń aıtýynsha, Frantsııanyń birneshe kásiporny Astana Hab aýmaǵynda keńse ashýdy josparlap otyr.
«Ásirese, «Aqyldy qala» jobalary boıynsha frantsýz kásiporyndary Qazaqstanda jumys isteýge daıyn. Odan bólek, 2022 jylǵa deıin barlyq ákimshilik usynys-shaǵymdardy 100 paıyz tsıfrlandyrý kózdelip otyr. ıAǵnı, Frantsııa men Qazaqstannyń maqsat-múddeleri bir. Sondyqtan tsıfrlyq tehnologııa taqyrybynyń túrli máseleleri talqylanatyn búgingi forým óte mańyzdy», - deıdi F. Martıne.
Óz kezeginde QR Aqparat jáne kommýnıkatsııalar mınıstri Dáýren Abaev Frantsııanyń jańa tehnologııalar boıynsha Eýropadaǵy kóshbasshy el ekenin jetkizdi.
«Qazaqstan men Frantsııa 26 jyl ishinde tyǵyz jáne strategııalyq ózara qarym-qatynas ornata aldy. Jaqynda ǵana eki eldiń memleket basshylary N.Nazarbaev pen E.Makronnyń kezdesýi ótti. Bul da ekijaqty qarym-qatynastyń damýyna erekshe serpin beredi. Ásirese, jańa tehnologııalar, IT-jobalar salasynda eki eldiń ekonomıkalyq qarym-qatynasyn damytýǵa bolady. Sebebi, Frantsııa - jańa tehnologııalar boıynsha Eýropadaǵy kóshbasshy el», - dedi ol.
Mınıstr bul salada Frantsııamen yntymaqtastyq ornatýdyń Qazaqstan úshin tıimdi ekenin atap ótti.
«Ótken jyldyń sońynda Elbasy Nursultan Nazarbaev aýqymdy «Tsıfrlyq Qazaqstan» baǵdarlamasyna qol qoıdy. Bul baǵdarlama bizdiń ınnovatsııalyq jáne IT-jobalarymyzdy nasıhattaýdyń irgetasy bolmaq. Bizdiń mınıstrlik eń aldymen ınfraqurylym úshin jaýap beredi, sondyqtan sizdermen birlese jumys isteýge ázirmiz», - dedi Dáýren Abaev.