Frantsııanyń kınomamandary Qazaqstanda fantastıkalyq serıal túsiredi
Mádenıet jáne sport mınıstrligi Gollıvýd rejısserleri men prodıýserlerin tartý úshin rıbeıt júıesin engizip otyr. ıAǵnı, sheteldik ınvestor Qazaqstan aýmaǵynda fılm túsirýge ketken shyǵynnyń 30 paıyzyn keıin memleket óteıdi jáne qosymsha qun salyǵynan bosatylady.
«2019 jyly Gollıvýdtyń belgili atqarýshy prodıýserlerine, Lionsgate, NBC Universal, Warner Horizon, The Discovery Channel, Global Film Solutions kompanııalarynyń ókilderine Qazaqstan boıynsha tanystyrý saıahaty uıymdastyryldy. Gollıvýdtyń bizdiń elge degen qyzyǵýshylyǵyn eskere otyryp, onyń ishinde sheteldik kıno túsýrýshiler úshin sýbsıdııa tetigin - rıbeıt júıesin engizýdiń arqasynda, Qazaqstan úshin de, Gollıvýd rejısserleri men prodıýserleri úshin de kóptegen jańa múmkindikter ashylýda. Rıbeıt – fılm shyǵarýmen baılanysty taýarlar, jumystar men qyzmetterge ketken shyǵynnyń 30%-yna deıin óteý, sondaı-aq kıno óndirýshini 12% qosymsha qun salyǵynan bosatý. Bul elimizdiń shetelde tanymaldyǵyn arttyrý jáne búkil álemnen elimizge ınvestıtsııalar tartý úshin eń tıimdi quraldardyń biri», - deıdi vedomstvo basshysynyń orynbasary Nurǵısa Dáýeshov.
Ázirge osy jıe negizinde eki iri týyndy boıynsha kelissózder júrip jatqan kórinedi.
«Qazirgi ýaqytta Ulttyq kınony qoldaý memlekettik ortalyǵy sheteldik kınokompanııalar tarapynan ınvestıtsııalar tartý boıynsha jumys júrgizýde jáne osy baǵytta naqty nátıjelerge qol jetkizildi. Máselen, bıylǵy jyly túsirilimderi Qazaqstanda ótetin eki iri bıýdjettik kórkem serıal shyǵarý josparlanyp otyr: «Infınıtı» fantastıkalyq serıaly (Frantsııa) jáne «Shaman» mıstıkalyq dramasy (Reseı)», - dep jazady vıtse-mınıstr.
Buǵan deıin habarlaǵanymyzdaı, Qazaqstan men Ispanııa mamandary birigip fılm túsirip jatyr.
Sondaı-aq, Nurǵısa Dáýeshov kınoǵa bólgen qarajatty ıgerýshiler qalaı irikteletinin túsindirdi.