Frantsııadaǵy saıabaqta pyshaq jaraqatynan alty adam zardap shekti

ANSI. QazAqparat – Frantsııanyń shyǵysyndaǵy Ansı qalasynda bolǵan shabýyl saldarynan alty adam, onyń ishinde tórt bala pyshaq jaraqatyn aldy. Bul týraly QazAqparat VVS-ge silteme jasap habarlaıdy.

Pyshaqpen qarýlanǵan er adam tańǵy 9:45-te qaladaǵy kól mańyndaǵy saıabaqta shamamen úsh jasar balalarǵa shabýyl jasaǵan. Tárbıeshilerimen birge tańǵy serýenge shyqqan
balalardy pyshaqtaǵannan keıin egde jastaǵy adamdy da jaraqattady. Qashpaq bolǵan kezde ózi de aıaǵynan jaraqat alyp, tutqyndaldy.
Frantsııa Іshki ister mınıstri Jerald Darmanen shabýyl jasaǵan adam qaýipsizdik kúshteriniń jedel áreketiniń arqasynda qamaýǵa alynǵanyn málimdedi.
Frantsııa prezıdenti balalar men egde jastaǵy adam ólim men ómir arasynda jatqanyn aıtty.
BFMTV telearnasy men AFP agenttiginiń polıtsııadaǵy derekkózderge siltegen málimeti boıynsha, er adam Frantsııadan pana izdep júrgen sırııalyq bosqyn ekenin aıtqan. Basqa derekter boıynsha, ol Shvetsııadan pana taýyp qoıǵan.
Shabýyl jasaǵan adamnyń kim ekeni áli tekserilip jatyr jáne naqtylanǵan joq.
Oqıǵa ornyna Frantsııa premer-mınıstri Elızabet Born bardy. Frantsııadaǵy ulttyq jıyn osy oqıǵaǵa baılanysty bir mınýt únsizdikpen bastaldy.