Frantsııadaǵy demalys úıinde bolǵan órt kezinde 11 adam mert boldy

PARIJ. QazAqparat – Elzastaǵy Kolmar qalasynyń prokýratýrasy múmkindigi shekteýli adamdarǵa arnalǵan demalys úıinde bolǵan órtten 11 adam qaza tapqanyn rastady. Qaıǵyly oqıǵa Frantsııanyń shyǵysyndaǵy Vıntsenhaım shaǵyn qalasynda, Germanııamen shekaraǵa jaqyn mańda boldy, dep habarlaıdy QazAqparat euronews.com-ǵa silteme jasap.

Frantsııa premer-mınıstri Elızabet Born oqıǵa ornyna bardy. Ol qaza tapqandardyń, sonymen qatar órt sóndirýshiler men qutqarýshylardyń otbasylaryna úkimettiń qoldaýyn kórsetkisi kelgenin málimdedi.

Sondaı-aq ol órttiń qaıdan shyqqanyn jáne ǵımarattyń qaýipsizdik talaptaryna qanshalyqty saı ekenin anyqtaý úshin tergeý jalǵasyp jatqanyn aıtty.

17 adam evakýatsııalandy, bireýi aýyr jaraqatymen aýrýhanaǵa jatqyzyldy. Ǵımarattyń joǵarǵy jaǵy tolyǵymen bul óńir úshin dástúrli aǵashtan jasalǵan. Órttiń tez tarap ketkenine osy jaıt sebep bolsa kerek.