Frantsııada jarylǵysh zat shyǵaratyn zaýytta apat bolyp, 8 adam jaraqat aldy

NUR-SULTAN. QazAqparat – Frantsııanyń ońtústik-batysynda Eurenco jarylǵysh zat shyǵaratyn zaýytta jarylys bolyp, segiz adam jaraqat aldy, dep habarlaıdy QazAqparat TRT World-qa silteme jasap.

Oqıǵa Jańa Akvıtanııa óńiri Dordon departamenti Berjerak qalasynda boldy. Birneshe jarylystan keıin órt shyǵyp, barlyq qyzmetker evakýatsııalandy. Jarylystan bir adam aıtarlyqtaı jaraqat aldy, qalǵan zardap shegýshiler jeńil jaraqattanǵan.

Frantsııanyń ishki ister mınıstri Jerald Darmanen aıtarlyqtaı resýrstar tartylǵanyn málimdedi. Oqıǵa ornynda daǵdarys ortalyǵy quryldy. Qazirgi ýaqytta jaǵdaı baqylaýǵa alynǵan, órttiń taralý qaýpi joq.

Eurenco kompanııasy áskerı baǵyttaǵy, azamattyq sektor úshin (munaı jáne gaz uńǵymasyn burǵylaý, paıdaly qazbalar óndirý) jarylys zattaryn óndiretin eýropalyq kóshbasshy.

Foto: trtworld.com