Frantsııada jappaı tártipsizdik toqtady ma

PARIJ. QazAqparat – Frantsııa Іshki ister mınıstrligi respýblıka aýmaǵynda tártipsizdikter toqtaǵanyn tirkedi. Bul týraly vedomstvo basshysy Jerald Darmanen Parlamenttiń joǵarǵy palatasynyń saıtynda kórsetilgen Senat tyńdalymynda málimdedi, dep habarlaıdy QazAqparat TASS agenttigine silteme jasap.

«Biz Frantsııa aýmaǵynda tynyshtyq ornaǵanyn tirkedik», - dedi Darmanen. Sondaı-aq, ol ІІM burynǵysha joǵary mobılızatsııa rejıminde ekenin atap ótti.

«Jaqyn kúnderi jaǵdaı qalaı bolaryn muqııat baqylap otyrý kerek», - dep esepteıdi Darmanen.

Frantsııa Premer-mınıstri Elızabet Born jaǵdaı turaqtala bastaǵanyn aıtty.

«Jaǵdaı birtindep qalpyna kelip jatyr», - dedi Born Senatta sóılegen sózi kezinde. Ol senatorlardy eldegi tynyshtyqty qalpyna keltirý sharalarynan habardar etti.

Buǵan deıin jaǵdaıdyń turaqtalǵanyn jáne keshki ýaqytta kólik qozǵalysyna qoıylǵan shekteý alynǵanyn Twitter-de kólikke jaýap beretin mınıstr-delegat Kleman Bon málimdegen bolatyn.

27 maýsymnan 28-ine qaraǵan túni Nantere men Parıj mańyndaǵy basqa da qalalarda jastardyń polıtsııamen qaqtyǵysy bastaldy. Narazylyqqa shyqqandar polıtsııany shekten tys kúsh qoldandy jáne qyzmetin asyra paıdalandy dep aıyptady. Demalys kúnderi narazylyq Frantsııanyń basqa da qalalary – Marsel, Lıon, Strasbýrgte jalǵasty. Budan bólek qaqtyǵystar kórshiles Belgııa men Shveıtsarııada da boldy.

Eske salsaq, Frantsııada jasóspirim óliminen keıingi ereýilde ustalǵandar sany 421 jetken bolatyn. Munan soń 470-ten astam adam ustalǵany týraly aıtyldy.