Frantsııada vaktsına saldyrmaǵan úsh myń medıtsına qyzmetkeri jumyssyz qaldy

PARIJ. QazAqparat – Frantsııada úsh myńǵa jýyq medıtsına qyzmetkeri jumystan shettetildi. Olardyń barlyǵy bir sebeppen – koronavırýsqa qarsy vaktsınalanbaǵandary úshin shyǵaryldy, dep habarlady QazAqparat Euronews-ke silteme jasap.

Úkimettiń dárigerler úshin mindetti ekpe jasaý týraly ókimi birneshe apta buryn belgili bolǵan. Alaıda kópshilik bıliktiń sózden iske kóshetinine tolyq senbedi.

Kásipodaqtar kadr tapshylyǵy máselesin aıtýda. Bılik jaǵdaı baqylaýda dep sendiredi. Biraq keıbir aýrýhanalarda shuǵyl sharalar qabyldaýǵa týra keldi.

«Biz bólimshelerdiń sektsııalaryn jabamyz, shtattan tys qyzmetkerlerdi tartamyz, medıtsına qyzmetkerlerinen artyq jumys isteýdi suraımyz», - dedi jergilikti emhanalardyń biriniń ókili.

Úsh myń medıtsına qyzmetkeriniń kelisimshartyn ýaqytsha toqtatý – bul jalpy Eýropa úshin buryn-sońdy bolmaǵan jaǵdaı.