Frantsııada túnde jarnama ekrandaryna tyıym salynady

BRıÝSSELЬ. QazAqparat – Frantsııanyń energetıka mınıstri Anes Pane-Djýno túnde kez kelgen jaryq jarnamaǵa tyıym salatyn jarlyq shyǵaratynyn jarııalady, dep habarlaıdy QazAqparat menshikti tilshisi.

«Le Journal Du Dimanche» basylymynyń málimetinshe, tsıfrlyq jarnama ekrandaryna tyıym salynbaq. Frantsııanyń ekologııalyq qaýymdastyǵy osyndaı tyıym salýǵa shaqyryp jatyr.

«Frantsııa úkimeti túndegi barlyq jaryq vıtrınalarǵa, dúkenderdiń syrtyndaǵy neondyq shamdarǵa tyıym salady», - dep jazdy tanymal frantsýz basylymy.

Qalalardyń kólemine qaramastan, saǵat 1-den tańǵy 6-ǵa deıin jarnama bılbordtaryna tyıym salynady. Tek vokzaldar men áýejaılarǵa ruqsat etiledi. «Energy Futures 2050» esebine sáıkes Frantsııada 9 myńǵa jýyq tsıfrlyq ekran bar jáne bul kórsetkish jyl saıyn shamamen 20%-ǵa artyp keledi.

2020 jyldyń qyrkúıeginde jarııalanǵan kórsetkishte Ekologııa agenttigi (Ademe) barlyq kólemdegi 55 myń tsıfrlyq jarnama bılbordyn eseptedi, bul aldyńǵy eki jylmen salystyrǵanda 40%-ǵa kóp.

Ekologııalyq belsendiler tsıfrlyq bılbordtar qorshaǵan ortaǵa qatty zııan keltiredi dep sanaıdy.

«On jyl qoldanǵannan keıin árbir panel 20 477 kVts qýat qajet etedi – bul tórt úıdiń jyldyq energııa shyǵyny», - delingen esepte.

Foto:NURPHOTO VIA AFP/Nicolas Liponne