Frantsııada órt sóndirýshi ormanǵa ot qoıǵan

NUR-SULTAN. QazAqparat – Chehııa men Germanııa shekarasyndaǵy alapat orman órti «Cheh Shveıtsarııasy» ulttyq parkine edáýir shyǵyn keltirgen. Jaqyn aýyldardan 500 adam evakýatsııalandy, dep habarlaıdy QazAqparat Euronews agenttigine silteme jasap.

Órt ótken demalysta bastalǵan. Jalyndy aýyzdyqtaǵandaı bolyp edi, alaıda beısenbi kúni qaıta órshidi.

Shekaralas eki eldiń júzdegen órt sóndirýshileri tilsiz jaýmen kúresip jatyr, olarǵa kórshiles Polsha men Slovakııadan áriptesteri kómekke kelgen.

Italııadan da eki órt sóndirý ushaǵy kelip jetken.

Frantsııadaǵy BAQ-tyń habarlaýynsha, órt sóndirýshi volonterlerdiń biri Ero aýdanynda qasaqana órt shyǵarǵanyn moıyndaǵan.

Ol otbasyndaǵy kúıbeń tirshilikten sharshap, órt sóndirip adrenalın alǵysy kelgenin aıtqan. Qazir órt sóndirýshi ustalǵan.

Frantsııanyń ońtústik-shyǵysyndaǵy Ardeshte órt sóndirýshiler jalynmen kúresti jalǵastyryp jatyr.

«Bundaı aýqymdy órtti biz kóp jyldan beri kórmegen edik», - dedi órtten eń kóp zardap shekken Lýssasa qalasynyń meri.

«1200 gektar ormandy joıyp jibergen jalynmen kúresip jatyrmyz, búgin tańerteń ony aýyzdyqtadyq», – dedi SDIS Ardèche apattyq operatsııalary basqarýshy Jan-Fılıpp Lade.

Foto: ru.euronews.com