Frantsııada oqýshy sabaq ústinde muǵalimdi óltirdi

ASTANA. QazAqparat – Frantsııanyń Sen-Jan-de-Lıýz qalasynda joǵary synyp oqýshysy ıspan tili muǵalimin óltirdi, dep habarlaıdy QazAqparat Le Figaro saıtyna silteme jasap.

Jergilikti BAQ oqıǵanyń búgin tańerteń sabaq ústinde bolǵanyn jazdy. Bılik oqıǵa ornynda polıtsııa men jergilikti prokýratýra jumys istep jatqanyn rastady. Oqýshy tutqyndaldy. Mektepke, jeke katolık mekemesine kiretin jáne shyǵatyn esikter jabyldy. Sońǵy derekter boıynsha, shabýyl tańǵy saǵat 10-da ıspan tili sabaǵynda jasalǵan.

Le Figaro derekkózi aqparatyna qaraǵanda, muǵalimin óltirgen 16 jastaǵy oqýshynyń qulaǵyna túnde ıspan tili oqytýshysyn óltirýdi suraǵan daýys kelgen.

«Bul oqýshylarǵa qandaı psıhologııalyq jaraqat ákelgenin elestetýdiń ózi qıyn», - dedi úkimet ókili Olıve Veran Mınıstrler keńesiniń otyrysynan keıingi baspasóz máslıhatynda. Ol ulttyq aǵartý, jastar jáne sport mınıstri Pap Ndıaıe oqıǵa ornyna keletinin aıtty.

Foto: lefigaro.fr