Frantsııada koronavırýstyń jańa túri tabyldy

NUR-SULTAN. QazAqparat – Frantsııa ǵaoymdary SARS-CoV-2 koronavırýsynyń jańa túrin tapty. Ol týraly derekter ázirge az dep habarlaıdy QazAqparat dw.com-ǵa silteme jasap habarlaıdy.

Búǵan deıin Kamerýnnan kelgen saıahatshydan belgisiz shtamm tabylǵan edi. Ol Frantsııanyń ońtústiginde kem degende 12 adamǵa juqtyryp úlgergen. Onyń testi «mýtatsııanyń atıpti kombınatsııasyn» kórsetti.
Koronavırýstyń jańa túrine ýaqytsha B.1.640.2 ataýy berildi. Ony Marseldegi Jerorta teńizi juqpaly aýrýlar ınstıtýtynyń ǵalymdary ashty. Jańa nusqadan 46 mýtatsııa anyqtalǵan.
Bul shtamm buǵan deıingi nusqalarǵa qaraǵanda qatty juqpaly bolýy múmkin. Ázirge ol týraly málimet az.
Qazirgi ýaqytta Frantsııa aýmaǵynda koronavırýstyń «omıkron» shtamy órship tur. Aýyrǵandardyń 60 paıyzy sony juqtyrǵan. Pandemııa bastalǵan ýaqyttan beri elde 10 mln astam adam koronavırýs juqtyrdy.
3 qańtardan bastap Frantsııada jańa ereje engizildi, oǵan sáıkes 6 jastan asqan balalar (buǵan deıin 11 jas) maska taǵýǵa mindetteldi. Budan bólek, Parıj ben Lıon sııaqty iri qalalarda kóshede qaıta maska taǵyp júrý kerek.