Frantsııada koronavırýstyń besinshi tolqyny bastaldy, Kıpr antıvakserlerdi jazalamaq

NUR-SULTAN. QazAqparat - Qazaqstanda koronavırýstyń taralýyna qarsy vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Frantsııa bıligi koronavırýstyń besinshi tolqyny «qarqyndy» bastalǵanyn málimdedi.

Mınıstrler kabınetiniń tóraǵasy Gabrıel Attaldyń aıtýynsha, bir apta ishinde koronavırýs ınfektsııasyn juqtyrýdyń jańa jaǵdaılary 80% ósti.

Kún saıyn ortasha eseppen 17 myń Covid-19 jańa jaǵdaı tirkeledi.

Infektsııa juqtyrýdyń aptanyń basynda 100 myń adamǵa 100 jaǵdaı týra kelse, qazirgi ýaqytta 100 myń turǵynǵa shaqqanda 164 jaǵdaı tirkeldi.

Italııanyń farmatsevtıkalyq retteýshi mekemesiniń basshysy el halqynyń vaktsınanyń úshinshi dozasyn qabyldaýyn jaqtady.

Nıkola Magrını habarlaǵandaı, bılik vaktsınanyń tolyq tsıklin alǵan merzim men údetkish dozasyn qabyldaý ýaqytyn bes aıǵa deıin qysqartýdy qarastyrýda.

Qazirgi ýaqytta vaktsınanyń úshinshi dozasyn densaýlyǵy nashar adamdar jáne 60 jastan asqan turǵyndar ala alady.

Kıpr prezıdenti antıvakserlerge qatysty qatań sharalar qabyldaıtynyn málimdedi.

Nıkos Anastasıadıs turǵyndardyń ımmýndaý kýrsyn aıaqtaý úshin nemese vaktsınanyń birinshi komponentin qabyldaý úshin eki-úsh aptalyq kezeń beriletinin atap ótti.

Óz sózinde prezıdent «Bul múmkindikten keıin, árıne, sharalar kúsheıtiledi»- dep habarlady.