Frantsııada koronavırýsqa qarsy vaktsınatsııa egý baıaý júrýde

PARIJ. QazAqparat – Frantsııada koronavırýsqa qarsy ekpe naýqanynyń alǵashqy bes kúninde 45 myńǵa jýyq adam vaktsına aldy. Mundaı málimetterdi densaýlyq saqtaý mınıstri Olıve Veran taratty. Resmı statıstıkaǵa sáıkes, vaktsınatsııa qarqyndy júrýde, alaıda ol úkimet josparlaǵan kórsetkishten aıtarlyqtaı tómen, dep habarlaıdy QazAqparat Euronews-ke silteme jasap.

Dárigerler egý naýqanynyń aıtarlyqtaı qarqyndy júrmeýine alańdaýly. Bul COVID-19 ınfektsııasynyń ósýine jáne odan da kóp ólimge ákelýi múmkin deıdi.

«Ár joǵaltqan aptamyz – bul aýrýhanalarǵa jatqyzý, medıtsına kómeginsiz qalǵan adamdardyń kóbeıýi, Densaýlyq saqtaý júıesine shamadan tys júkteme, sonymen qatar lokdaýn, jabyq meıramhana men barlar... Vaktsına – daǵdarystan shyǵýdyń kózi. Alaıda usynylǵan kesteniń qarqyny baıaý, biz bul protsesti tezdetýimiz kerek... Qazirgi qarqynmen bizde ujymdyq ımmýnıtet paıda bolǵanǵa deıin aılar, múmkin jyldar ótedi. Vırýs taralýyn toqtatý úshin múmkindiginshe kóp adamdy vaktsınatsııa alý kerek», -deıdi terapevt Jımmı Moamed.

Úkimet aıdyń sońyna deıin mıllıon adamdy koronavırýsqa qarsy egý úshin vaktsınatsııany jedeldetýge ýáde berdi. Densaýlyq saqtaý mınıstrligi aldymen 50 jastan asqan nemese asqyný qaýpi joǵary densaýlyq saqtaý júıesiniń barlyq qyzmetkerlerin vaktsınanyń tuńǵysh vaktsınanyń eki dozasynyń birimen qamtamasyz etýdi josparlap otyr.

18 qańtardan bastap 75 jastan asqan Frantsııa turǵyndary vaktsına alý quqyǵyna ıe bolýy kerek. Jańa ekpe pýnktteriniń kóptep ashylýy naýqannyń jedeldeýine yqpal etýi tıis. Ázirge eldiń ár departamentinde osyndaı bir ortalyqty ornalastyrý múmkin boldy.

Áleýmettanýshylardyń pikirinshe, qoǵamdaǵy senimsizdikke baılanysty da qıyndyqtar týyndaýy múmkin. Sońǵy zertteýlerge sáıkes, frantsýzdardyń shamamen 45%-y koronavırýsqa qarsy ekpe alǵysy kelmeıdi.